اسلام آباد میں چین اور پاکستان کی 5G بیس اسٹیشن ٹیکنالوجی کی مشترکہ آزمائش
جدید شعبوں میں تعاون کا دائرہ وسیع، بائیو فارماسیوٹیکل سے کوانٹم کمپیوٹنگ تک — سائنس و ٹیکنالوجی سے پاکستانی عوام کو فائدہ
:بیجنگ
چینی میڈیا کی تازہ رپورٹ کے مطابق اسلام آباد کے مضافات میں چین اور پاکستان کے انجینئرز ایک مشترکہ ریسرچ اینڈ ڈیولپمنٹ بیس پر 5 جی بیس اسٹیشن کے آلات کی آزمائش کر رہے ہیں، جو زیادہ درجہ حرارت والے ماحول میں مؤثر کارکردگی دکھانے کے لیے تیار کیے گئے ہیں۔
رپورٹ کے مطابق، چین کی جانب سے فراہم کردہ باریک شمسی مواد سے بنے پاور پینلز اسلام آباد میں اسمارٹ اسٹریٹ لائٹس کے لیے استعمال کیے جا رہے ہیں۔
اس کے ساتھ ہی، چینی کمپنی شینزین ڈی جے آئی کے جدید ڈرونز نے پنجاب میں تقریباً 16,500 ایکڑ کپاس کے رقبے پر حشرہ کش دوا کا اسپرے کامیابی سے مکمل کیا ہے۔
علاوہ ازیں، کراچی بندرگاہ پر چینی کمپنی کی طرف سے دیا گیا لاجسٹکس مینجمنٹ سسٹم بھی مؤثر انداز میں کام کر رہا ہے، جو تجارتی سرگرمیوں کو مزید مؤثر بنانے میں مدد دے رہا ہے۔
چینی میڈیا رپورٹ کے مطابق حالیہ برسوں میں چین-پاکستان تعاون کا دائرہ صرف آبی تحفظ، توانائی، اور نقل و حمل تک محدود نہیں رہا بلکہ اب یہ کوانٹم کمپیوٹنگ، 5G، بائیو فارماسیوٹیکل اور دیگر جدید ترین شعبوں تک پھیل چکا ہے۔
یہ سائنسی و تکنیکی پیشرفتیں براہِ راست پاکستانی عوام کی زندگیوں پر مثبت اثر ڈال رہی ہیں اور جدید ٹیکنالوجی کے ذریعے قومی ترقی میں اہم کردار ادا کر رہی ہیں۔
