پاکستانی شوبز کے مقبول جوڑے ماہرہ خان اور فواد خان ایک بار پھر سکرین پر جلوہ گر ہونے جا رہے ہیں۔
ان کی نئی رومانوی فلم ’نیلوفر‘ کا طویل انتظار کے بعد ٹریلر جاری کر دیا گیا ہے، جس نے مداحوں میں زبردست جوش و خروش پیدا کر دیا۔
فواد خان اور ماہرہ خان کی جوڑی نے اپنے کیریئر کا آغاز معروف ڈراما ’ہمسفر‘ سے کیا تھا جس نے انہیں پاکستان کے مقبول ترین اداکاروں میں شامل کر دیا، اس کے بعد دونوں نے ٹی وی اور فلمی دنیا میں شاندار کامیابیاں حاصل کیں اور کئی یادگار کردار ادا کیے۔
’نیلوفر‘ معروف ہدایتکار عمار رسول کی تحریر و ہدایت کردہ فلم ہے جو 28 نومبر 2025 کو سینما گھروں میں ریلیز کی جائے گی، فلم میں محبت، جذبات اور ڈرامے کا حسین امتزاج دکھایا گیا ہے جسے فواد اور ماہرہ کے مداح ان کے لیے ایک خاص تحفہ قرار دے رہے ہیں۔
