پاکستان نیوی میں بطور سیلر بھرتیوں کا اعلان، آن لائن رجسٹریشن جاری ہے ۔ پاکستان نیوی بھرتی مرکز سکھر کی جانب سے جاری کردہ اعلامیہ کے مطابق پاکستان نیوی میں بیچ B-2026 (S) کے تحت مختلف شعبوں میں بطور سیلر آن لائن رجسٹریشن کا عمل جاری ہے۔ خواہشمند نوجوان پاکستان نیوی میں شمولیت اختیار کرکے ملک کی سمندری سرحدوں کے دفاع اور قومی خدمت کا حصہ بن سکتے ہیں۔پاکستان نیوی کے جاری کردہ اعلامیہ کے مطابق مرد اُمیدواروں کے لیے بھرتیاں مختلف برانچز میں کی جائیں گی
جن میں ٹیکنیکل، میرین، نیول پولیس، میوزک، ایم ٹی ڈی، شیف/اسٹیورڈ اور دیگر شعبے شامل ہیں۔امیدواروں کے لیے تعلیمی قابلیت میٹرک سائنس، میٹرک آرٹس اور متعلقہ ٹیکنیکل ڈپلومہ مقرر کیا گیا ہے، جبکہ عمر کی حد، قد و ازدواجی حیثیت کے معیارات ہر برانچ کے مطابق مختلف ہوں گے۔پاکستان نیوی کے مطابق آن لائن رجسٹریشن 05 جولائی 2026ء تک جاری رہے گی۔ امیدوار پاکستان نیوی کی ویب سائٹ www.joinpaknavy.gov.pk پر رجسٹریشن کرا سکتے ہیں، جبکہ قریبی پاکستان نیوی ریکروٹمنٹ اینڈ سلیکشن سینٹر سے رابطہ کر کے مزید معلومات حاصل کی جا سکتی ہے۔
