تھرڈ ہائر ایجوکیشن پنجاب (اے ڈی پی/بی ایس گیمز 2026-27) کے سلسلے میں گرلز کرکٹ چیمپئن شپ کا افتتاح گورنمنٹ گریجویٹ وقارالنسا کالج راولپنڈی کے کرکٹ گرانڈ میں ہوگیا۔ افتتاحی تقریب میں پارلیمانی سیکریٹری برائے ثقافت و کلچر و رکن پنجاب اسمبلی شازیہ رضوان نے بطور مہمان خصوصی شرکت کی اور فیتہ کاٹ کر ٹورنامنٹ کا باقاعدہ آغاز کیا۔ اس موقع پر مختلف ٹیموں نے شاندار مارچ پاسٹ بھی کیا۔تقریب میں ڈائریکٹر کالجز راولپنڈی ڈاکٹر شہناز محسن، ڈی ڈی سی راولپنڈی پروفیسر سجاد حسین، ڈویژنل فوکل پرسن برائے سپورٹس پروفیسر آصفہ ناہید، پرنسپل گورنمنٹ گریجویٹ وقارالنسا کالج ڈاکٹر زاہدہ پروین، پرنسپل سیٹلائٹ ٹان گریجویٹ کالج فار بوائز ڈاکٹر اطہر قسیم، پرنسپل ریلوے روڈ گرلز کالج پروفیسر ڈاکٹر میمونہ، پرنسپل رحمت آباد گرلز کالج پروفیسر ڈاکٹر صبا، پرنسپل ڈھوک حسو گرلز کالج پروفیسر شازیہ جیلانی، پرنسپل موہن پورہ گرلز کالج پروفیسر صائمہ رشید، پرنسپل حشمت علی اسلامیہ کالج ڈاکٹر راحیل، پرنسپل کہوٹہ گرلز کالج ڈاکٹر رضوانہ، پرنسپل ڈھوک الہی بخش کالج عظمی زیدی، پرنسپل ڈھوک کالا خان گرلز کالج ڈاکٹر عائشہ، پروفیسر رضیہ، سابق ڈائریکٹر کالجز پروفیسر شیر احمد ستی، سابق اے ڈی ڈائریکٹوریٹ پروفیسر احمر اور پاکستان ویمن کرکٹ ٹیم کی سابق کپتان و ایچ ای ڈی پنجاب کی کرکٹ ایمبیسیڈر ندا ڈار سمیت مختلف کالجز کے پرنسپلز، اساتذہ اور طالبات نے شرکت کی۔پنجاب کے ڈویژن لیول پر منعقد ہونے والے ان مقابلوں میں راولپنڈی، لاہور، بہاولپور، ڈی جی خان، سرگودھا اور فیصل آباد سمیت چھ ڈویژن کی گرلز کرکٹ ٹیمیں شرکت کر رہی ہیں۔ افتتاحی تقریب کے دوران کھلاڑیوں اور طالبات کا جوش و خروش دیدنی تھا جبکہ کالج گرانڈ میں کھیلوں کے فروغ کے حوالے سے خصوصی ماحول دیکھنے میں آیا۔ڈویژنل فوکل پرسن برائے سپورٹس پروفیسر آصفہ ناہید کے مطابق وزیر اعلی پنجاب مریم نواز، صوبائی وزیر تعلیم رانا سکندر حیات، ڈائریکٹر سپورٹس پنجاب وقاص اکبر اور ڈائریکٹر کالجز راولپنڈی ڈاکٹر شہناز محسن کی ہدایات اور ویژن کے مطابق راولپنڈی میں طلبہ و طالبات کے لیے سپورٹس سرگرمیوں کو بھرپور انداز میں فروغ دیا جا رہا ہے،تقریب میں مہمان خصوصی شازیہ رضوان، ڈائریکٹر کالجز ڈاکٹر شہناز محسن، ڈی ڈی سی پروفیسر سجاد حسین اور دیگر مقررین نے وزیر اعلی پنجاب کو خراج تحسین پیش کرتے ہوئے کہا کہ صوبے بھر میں سپورٹس سرگرمیوں کی بحالی اور تواتر کے ساتھ مقابلوں کے انعقاد نے واضح کر دیا ہے کہ حکومت پنجاب نوجوان نسل کو تعلیم کے ساتھ کھیلوں کے بہتر مواقع فراہم کرنے کے لیے سنجیدہ اقدامات اٹھا رہی ہے، خصوصا طالبات کے لیے کھیلوں کے میدان آباد کرنا وقت کی اہم ضرورت ہے، کیونکہ خواتین کی کھیلوں میں بھرپور شرکت نہ صرف ان کی جسمانی صحت اور ذہنی صلاحیتوں میں بہتری لاتی ہے بلکہ انہیں خود اعتمادی، قیادت اور فیصلہ سازی کی صلاحیت بھی فراہم کرتی ہے۔انہوں نے کہا کہ آج کی طالبہ صرف کتاب اور کلاس روم تک محدود نہیں، بلکہ کھیل کے میدان میں بھی اپنی صلاحیتوں کا لوہا منوا سکتی ہے۔ گرلز کرکٹ سمیت دیگر کھیلوں کے مسلسل انعقاد سے پنجاب کی تعلیمی اداروں سے باصلاحیت خواتین کھلاڑی سامنے آئیں گی جو قومی اور بین الاقوامی سطح پر ملک کا نام روشن کر سکتی ہیں۔یہی وجہ ہے کہ ایچ ای ڈی کی کرکٹ ایمبسڈرندا ڈارتما م مقابلوں کی نگرانی اور ابھرتی ہوئی کرکٹ کھلاڑیوں کی حوصلہ افزائی کرینگی ۔
