پاکستان اور چین کے درمیان میڈیا تعاون کا تاریخی معاہدہ
نشریات اور آڈیو ویژول شعبوں میں مواد کے تبادلے، تکنیکی شراکت اور باہمی تفہیم کو فروغ دینے پر اتفاق
اسلام آباد: پاکستان اور چین کے درمیان نشریات اور آڈیو ویژول شعبوں میں تعاون بڑھانے کے لیے تاریخی معاہدہ ہو گیا۔
پاکستان کی نمائندگی کرتے ہوئے سیکرٹری اطلاعات عنبرین جان نے معاہدے پر دستخط کیے، چین کی جانب سے معاہدے پر ڈونگ شن نے دستخط کیے۔
دونوں ملکوں کا مشترکہ منصوبے میں مواد کا تبادلہ اور استعداد بڑھانے پر اتفاق ہوا، معاہدے کے تحت میڈیا تعاون، باہمی تفہیم اور تکنیکی شراکت کو فروغ دیا جائے گا۔
