چین اور سنگاپور کے تعلقات کی 35ویں سالگرہ پر تصویری نمائش اور میڈیا فورم کا انعقاد
سنگاپور میں منعقدہ نمائش میں 71 تصاویر کے ذریعے سیاسی، اقتصادی اور ثقافتی تعاون کی عکاسی؛ دونوں ممالک نے نوجوانوں کے تبادلے اور میڈیا تعاون کو مزید فروغ دینے کے عزم کا اظہار کیا۔
سنگاپور(شِنہوا)سنگار پور میں قائم چینی ثقافتی مرکز میں چین اور سنگاپور کے درمیان سفارتی تعلقات کی 35 ویں سالگرہ کے موقع پر "قریبی ہمسائے، مشترکہ ترقی” کے عنوان سے ایک تصویری نمائش منعقدہ کی گئی۔اس موقع پر چین-سنگاپور ذرائع ابلاغ فورم کا بھی انعقاد کیا گیا۔یہ نمائش مشترکہ طور پر شِنہوا نیوز ایجنسی ایشیا پیسیفک ریجنل بیورو، چائنہ فوٹو سروس کمپنی لمیٹڈ اور سنگاپور چائنہ فرینڈشپ ایسوسی ایشن کے زیرِ اہتمام منعقد کی گئی ۔ اس میں 71 نیوز فوٹوز شامل ہیں جو گزشتہ 35 برسوں میں دونوں ممالک کے درمیان سیاسی، اقتصادی، ثقافتی اور دیگر شعبوں میں باہمی تعاون کو اجاگر کرتے ہیں۔افتتاحی تقریب سے خطاب کرتے ہوئے سنگاپور میں چین کے سفیر کاؤ ژونگ مِنگ نے کہا کہ چین اور سنگاپور کے درمیان سفارتی تعلقات کے قیام کے بعد سے دونوں ممالک کے تعلقات مسلسل بہتر ہوتے گئے ہیں۔ یہ تعلقات ابتدا سے لے کر گہرائی، بہتری اور تیز رفتار ترقی کے مراحل سے گزرے ہیں اور اب ایک ہمہ جہت، اعلیٰ معیار اور مستقبل کی سوچ رکھنے والی شراکت دار بن چکے ہیں۔سنگاپور چائنہ فرینڈشپ ایسوسی ایشن کے اعزازی معاون سیکرٹری مو لی گوو نے اس امید کا اظہار کیا کہ دونوں ممالک کے درمیان نوجوانوں کے تبادلے، تعلیم، سائنس و ٹیکنالوجی، نیز معیشت اور تجارت جیسے شعبوں میں مزید عملی تعاون فروغ پائے گا۔سنگاپور کے سابق وزیرِ مملکت چھان سو سین نے کہا کہ یہ نمائش دونوں ممالک کے درمیان دیرینہ دوستی اور گزشتہ 35 برسوں میں مختلف شعبوں میں تعاون کی تیز رفتار ترقی کو ظاہر کرتی ہے۔ انہوں نے باہمی مفاد اور دوراندیش تعاون کے روشن امکانات پر اعتماد کا اظہار کیا۔میڈیا فورم کے دوران دونوں ممالک کے ذرائع ابلاغ کے نمائندگان نے اس بات پر تبادلہ خیال کیا کہ میڈیا کس طرح دو طرفہ تعلقات کی مزید ترقی میں موثر کردار ادا کر سکتا ہے۔
