اسلام آباد: قومی مالیاتی کمیشن (این ایف سی) کا 18 نومبرکو ہونے والا مجوزہ مشاورتی اجلاس ملتوی کر دیا گیا۔
وزارت خزانہ کے ذرائع کا کہنا ہےکہ 18نومبر کا اجلاس ملتوی کرنے کے بارے صوبوں کو آگاہ کر دیا گیا ہے۔
ذرائع کے مطابق این ایف سی کا اجلاس 18نومبر کو نہ بلانے کی کوئی وجہ نہیں بتائی گئی۔
وفاقی وزارت خزانہ نے چاروں صوبوں کی مشاورت کے بعد 18نومبر کو اجلاس بلانے کے لیے وزیر اعظم ہاؤس سے منظوری مانگی تھی۔
وزیراعظم ہاؤس سے جواب نہ ملنےکے بعد صوبوں کو اجلاس ملتوی کرنے سے متعلق آگاہ کردیا گیا۔
ذرائع کے مطابق 27 ویں ترمیم میں صوبوں کو مالیاتی وسائل سے حصہ کم نہ کرنےکا تحفظ ختم کرنےکی تجویز تھی۔ پیپلز پارٹی کی طرف سے مخالفت کے بعد این ایف سے متعلقہ شق 27 ویں ترمیم سے نکال دی گئی۔
اس سے پہلے اجلاس کے لیے 29 اگست اور پھر 10 نومبرکی تاریخ تجویزکی گئی تھی۔ اگست میں ہونے والا این ایف سی کا اجلاس بارشوں کی وجہ سےملتوی کرنا پڑا تھا۔
