دبئی ہائی وے پر گرا اماراتی پرچم اُٹھانے والا پاکستانی , سوشل میڈیا پر ہیرو بن گیا
دبئی میں برق رفتار ہائی وے پر گرے اماراتی پرچم کو اٹھانے پر اوورسیز پاکستانی کا چرچا ہونے لگا۔
اوورسیز پاکستانی طاہر امین نے دبئی کی برق رفتار ہائی وے شیخ محمد بن زاید روڈ پر گرے ہوئے اماراتی پرچم کو دیکھا تو اپنی جان کو خطرے میں ڈال کر پرچم اُٹھایا اور اس کو عزت اور احترام سے چوما۔
دبئی کی شیخ محمد بن زاید روڈ پر ایک سو چالیس کلومیٹر کی رفتار سے گاڑیوں کی رفتار میں پرچم اُٹھانے پر سوشل میڈیا کے صارفین بھی حیران ہیں۔
اماراتی سوشل میڈیا صارفین اس عمل کو سراہ رہے ہیں کہ پاکستانی ہی یہ کرسکتا ہے۔
جیو نیوز سے گفتگو کرتے ہوئے طاہر امین نے کہا کہ 18 سال پہلے دبئی آیا تھے، بطور کلینر کام کرتا تھا اور اب بطور منیجر ذمہ داریاں نبھا رہا ہوں۔
ان کا کہنا تھاکہ دبئی نے بہت کچھ دیا تو اب بطور پاکستانی ہماری ذمہ داری ہے کہ ہم بھی اس ملک اور پرچم کی بھرپور عزت کریں۔
