امریکی و اسرائیلی حملے میں ایران کے سپریم لیڈر آیت اللہ خامنہ ای کی شہادت کے خلاف احتجاج کے پیش نظر وفاقی دارالحکومت اسلام آباد میں دفعہ 144 نافذ کردی گئی۔
ضلعی انتظامیہ کی جانب سے جاری بیان میں کہا گیا ہے کہ وفاقی دارالحکومت میں دفعہ 144 نافذ ہے، دفعہ 144 کے تحت ہر قسم کے اجتماعات کو غیرقانونی تصور کیا جائے گا۔
ضلعی انتظامیہ کے مطابق شہری کسی بھی اجتماع کا حصہ مت بنیں، احتجاج، مظاہرے یا اجتماع کی صورت میں سخت قانونی کارروائی کی جائے گی۔
دوسری جانب امریکی سفارتخانے کی جانب سے جاری بیان میں کہا گیا ہے کہ کراچی اور لاہور میں امریکی قونصل خانوں پر مظاہروں کی مانیٹرنگ کر رہے ہیں، اسلام آبادایمبیسی اورپشاور قونصلیٹ پرمزیدمظاہروں کی کالز پربھی نظر رکھی ہوئی ہے۔
امریکی سفارتخانے کا کہنا ہے پاکستان میں امریکی شہری باخبر رہیں اور سکیورٹی کاخیال رکھیں، پاکستان میں امریکی شہری ہجوم میں جانے سےگریزکریں۔
