امریکا ایران جنگ بندی: پاکستان کی سفارتی کامیابی پر اوورسیز گرین پاسپورٹ کو لے کر خوش، میمز وائرل

امریکا اور ایران کے درمیان جنگ بندی میں کلیدی کردار ادا کرنے پر بیرونِ ملک مقیم پاکستانی بھی خوشی سے نہال ہیں اور سوشل میڈیا پر میمز بناکر پوسٹ کررہے ہیں۔

پاکستان کی سفارتی کامیابی کے باعث دنیا بھر میں گرین پاسپورٹ کا مقام مزید بڑھ گیا ہے۔

سوشل میڈیا صارفین کی جانب سے بنائی جانے والی میمز کا مقصد ہے کہ پاکستانی دنیا کے کسی بھی ملک میں کیوں نا چلے جائیں، وہ فخر سے بتائیں گے کہ وہ پاکستانی ہیں کیونکہ پاکستان دنیا بھر میں امن قائم کرنے کی وجہ بنا۔

سوشل میڈیا پر وائرل ویڈیوز میں دیکھا جاسکتا ہے کہ اوور سیز نے اپنا پاسپورٹ چہرے پر ایڈٹ کرکے لگایا ہوا ہے تاکہ پتہ چلے ان کا تعلق پاکستان سے ہے۔

صارفین کی جانب سے ان میمز پر دلچسپ تبصرے کیے جارہے ہیں۔

ایران امریکا جنگ بندی میں پاکستان کا کردار:

واضح رہے کہ امریکا اور ایران نے پاکستان کی دو ہفتے کی جنگ بندی کی تجویز کو قبول کرلیا ہے۔

ایرانی میڈیا کے مطابق ٹرمپ نےجنگ کے خاتمے کے لیے ایران کی شرائط مان لیں جس کے بعد صدر ٹرمپ نے دو ہفتے کی بندی کا اعلان کیا۔

ایران کا کہنا ہے کہ بات چیت کا آغاز جمعہ 10 اپریل سے اسلام آباد میں ہوگا، دونوں فریقین نے اتفاق کیا تو مذاکرات کی مدت میں توسیع ہوسکتی ہے۔