اسلام آباد میں کورین ثقافت کے رنگ بکھیرنے کے لیے جمہوریہ کوریا کے سفارتخانے کے زیر اہتمام “K-WAVE Festa” کا انعقاد 2 مئی بروز ہفتہ کو سرینا ہوٹل کے SBC لان میں کیا جائے گا۔
یہ تقریب سہ پہر 3 بجے سے رات 8 بجے تک جاری رہے گی، جہاں عوام کو مفت داخلہ حاصل ہوگا اور پیشگی رجسٹریشن کی بھی ضرورت نہیں ہوگی۔
ایونٹ میں کورین زبان، ثقافت، روایتی کھیل، کھانے اور K-POP میوزک سمیت مختلف سرگرمیوں کا انعقاد کیا جائے گا۔ شرکاء کو سام سنگ، لوٹے کولسن، KOICA اور دیگر اداروں کے معلوماتی اسٹالز دیکھنے کا موقع بھی ملے گا۔
تقریب کی خاص جھلکیوں میں K-Beauty ماسٹر کلاس، ہین بوک تجربہ، کورین لینگویج سیشنز اور K-POP فیسٹیول شامل ہیں، جہاں پاکستانی نوجوان اپنی صلاحیتوں کا مظاہرہ کریں گے۔
افتتاحی تقریب میں پاکستان آئیڈل کی گلوکارہ فریال امبر خصوصی پرفارمنس پیش کریں گی۔
یہ ایونٹ پاکستان اور کوریا کے درمیان ثقافتی تعلقات کو مزید مضبوط بنانے کی ایک اہم کاوش قرار دیا جا رہا ہے۔
