اپنے اندر کے بچے کو مت مارو، زندگی چھوٹی خوشیوں میں جینے کا نام ہے
"اچھے کپڑے اور گاڑی سب کچھ نہیں" — حرا مانی کا انسٹاگرام پر متاثرکن پیغام
لاہور : پاکستان کی معروف اداکارہ حرا مانی نے ایک دلچسپ اور دل کو چھو لینے والا پیغام اپنے مداحوں سے شیئر کیا ہے، جو سوشل میڈیا پر تیزی سے وائرل ہو رہا ہے۔
انسٹاگرام پر مختلف تصاویر پوسٹ کرتے ہوئے حرا مانی نے لکھا:
"اچھے کپڑوں اور اچھی گاڑی سے زندگی میں کوئی خاص تبدیلی نہیں آتی۔ جب میرے پاس یہ سب کچھ آیا تو مجھے اندازہ ہوا کہ اصل خوشی ان چیزوں میں نہیں، بلکہ سادہ اور حقیقی لمحات میں ہے۔”
اداکارہ نے اپنے مداحوں کو مشورہ دیا کہ:
"اپنے اندر کے بچے کو مت مارو، جو چھوٹی چھوٹی چیزوں میں خوش رہتا ہے۔ زندگی کو بھرپور انداز میں جیو۔”
حرا مانی کا یہ پیغام نہ صرف ان کے فالوورز کے لیے متاثرکن ثابت ہوا بلکہ سوشل میڈیا صارفین نے بھی اسے بھرپور سراہا۔ ان کا کہنا تھا کہ س simplicity اور سچائی ہی انسان کی اصل خوبصورتی ہے، اور حرا مانی نے یہی پیغام بہت خوبصورتی سے پہنچایا ہے۔
حرا مانی اپنی ڈانس ویڈیوز، مزاحیہ انداز اور حقیقی زندگی کے لمحات شیئر کرنے کے باعث سوشل میڈیا پر خاصی مقبول ہیں، اور ان کا یہ تازہ پیغام ان کی مثبت سوچ اور دل سے جینے کے فلسفے کی عکاسی کرتا ہے۔
