فلم "سَیّارا” کی عالمی باکس آفس پر دھوم, سپرمین اور فینٹاسٹک 4 کو پیچھے چھوڑ دیا
نئے چہروں آہان پانڈے اور انیت پڈا نے ثابت کر دیا کہ اصل طاقت محبت ہے، 12 دنوں میں 10.8 ملین ڈالر کا عالمی بزنس
لاہور : جب دنیا سپر ہیروز کی تلاش میں تھی، تب یش راج فلمز اور موہت سوری کی رومانوی پیشکش "سَیّارا” نے دنیا بھر میں تہلکہ مچا دیا۔ آہان پانڈے اور انیت پڈا جیسے نئے چہروں کی اس فلم نے ریلیز کے صرف 12 دنوں میں 2025 کی سب سے بڑی باکس آفس کامیابی اپنے نام کر لی۔
فلم نے متحدہ عرب امارات، شمالی امریکا، برطانیہ اور آسٹریلیا میں Warner Brothers کی Superman کو پیچھے چھوڑ دیا، جبکہ Per Theatre Average میں یہ Disney کی Fantastic 4 کے بعد دوسرے نمبر پر آ گئی۔
دلچسپ پہلو یہ ہے کہ یو اے ای میں سَیّارا نے مجموعی ٹکٹ فروخت میں بھی Fantastic 4 کو پیچھے چھوڑ دیا — یہ اس بات کا ثبوت ہے کہ ناظرین اب سپر ہیروز سے زیادہ احساس، رومان اور محبت کی کہانیوں کو ترجیح دے رہے ہیں۔
فلم سَیّارا نے اب تک عالمی مارکیٹ میں 10.8 ملین ڈالر کا بزنس کیا، جبکہ بھارت میں اس کی کمائی 270.75 کروڑ روپے (تقریباً 32.5 ملین ڈالر) تک پہنچ چکی ہے۔ دوسرے ہفتے میں فلم کی کمائی 100 فیصد اضافہ کے ساتھ 4 ملین ڈالر تک جا پہنچی۔
یہ کامیابی اس بات کا اعلان ہے کہ بالی ووڈ میں نئے ستاروں کا دور شروع ہو چکا ہے — نہ شاہ رخ، نہ سلمان اور نہ عامر، اب آہان پانڈے جیسے چہرے ناظرین کے دل جیت رہے ہیں۔
