اسرائیلی جارحیت میں فٹبالر سلیمان عبید سمیت 662 فلسطینی کھلاڑی شہید

غزہ میں کھیل کے میدان مٹ گئے، اسٹار فٹبالر کی قربانی عالمی ضمیر کو جھنجھوڑ گئی

0


غزہ : فلسطینی فٹبال ایسوسی ایشن کے مطابق اکتوبر 2023 سے جاری اسرائیلی بمباری اور حملوں میں عالمی شہرت یافتہ فٹبالر سلیمان عبید سمیت 662 فلسطینی کھلاڑی اور سپورٹس عہدیدار شہید ہو چکے ہیں۔ اس دوران 288 کھیلوں کے میدان، اسٹیڈیم، جم اور کلب تباہ کر دیے گئے۔

’پیلے آف فلسطین‘ کے نام سے مشہور سلیمان عبید حالیہ دنوں غزہ میں ایک اسرائیلی فضائی حملے میں شہید ہوئے، بمباری سے فلسطینی فٹبال ایسوسی ایشن کا ہیڈکوارٹر بھی ملبے کا ڈھیر بن گیا۔

اتوار کو اسرائیلی حملوں میں مزید 52 فلسطینی شہید ہوئے جبکہ اسرائیلی محاصرے اور جبری قحط کے باعث غذائی قلت سے مرنے والوں کی تعداد 217 تک پہنچ گئی، جن میں 100 بچے شامل ہیں۔

اسرائیلی وزیراعظم نیتن یاہو نے دعویٰ کیا کہ حماس کے ہتھیار نہ ڈالنے کے بعد اس کے خاتمے کے سوا کوئی چارہ نہیں۔ دوسری جانب حماس نے ردعمل دیتے ہوئے کہا کہ نیتن یاہو حقائق چھپا کر جنگی جرائم کا جواز بنا رہے ہیں اور یرغمالیوں کو جنگ طول دینے کے لیے استعمال کر رہے ہیں۔

Leave A Reply

Your email address will not be published.