امریکا میں غیر ملکی طلبہ اور صحافیوں کے ویزوں کی مدت محدود کرنے کی تجویز

واشنگٹن: امریکا میں غیر ملکی طلبہ اور صحافیوں کے ویزوں کی مدت محدود کرنے کی نئی تجویز پیش کر دی گئی ہے۔

محکمہ ہوم لینڈ سکیورٹی کے مطابق کئی کیٹیگریز میں ویزا قیام کا وقت محدود کیا جائے گا۔ 1978 سے ایف ویزا رکھنے والے غیر ملکی طلبہ کو لامحدود قیام کی اجازت تھی، جسے امریکی شہریوں کے لیے نقصان دہ قرار دیا گیا ہے۔

محکمہ کے مطابق اگر قانون منظور ہوا تو غیر ملکی طلبہ کا قیام صرف اسٹڈی پروگرام کی مدت تک محدود ہوگا، اور وہ چار سال سے زیادہ امریکا میں نہیں رہ سکیں گے۔ اسی طرح طلبہ اور میڈیا نمائندگان کو ریگولر جانچ پڑتال سے بھی گزرنا ہوگا۔

یاد رہے کہ امریکی صدر نے 2020 میں بھی اسی نوعیت کا ویزا قانون تجویز کیا تھا، تاہم بائیڈن انتظامیہ نے اس تجویز کو رد کر دیا تھا۔