آئندہ24 گھنٹوں کے دوران ملک کے بیشتر علاقوں میں موسم سرد اورخشک جبکہ شمالی علاقوں میں صبح اور رات کے اوقات میں شدید سردرہنے اورپنجاب اور خیبر پختونحواکےمیدانی علاقوں میں صبح اوررات کے اوقات میں چند مقامات پر ہلکی سے درمیانی سموگ و دھند پڑنے کا امکان ہے۔محکمہ موسمیات کے مطابق اگلے چند روز کے دوران شمالی علاقوں میں دن اور رات کے درجہ حرارت میں مزید کمی کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم خشک اور پہاڑی علاقوں میں سرد اور شدید سرد رہا۔تاہم پنجاب کے چند میدانی اضلاع میں ہلکی دھنداور سموگ چھائی رہی۔اتوار کو ریکارڈ کئے گئے کم سے کم درجہ حرارت : لہہ منفی 08 ، اسکردومنفی 07 ، گلگت منفی 05، بابوسر اور قلات میں منفی 03 ڈگری سینٹی گریڈ ریکارڈ کیا گیا ۔
