اسلام آباد(حسیب چوہدری)سینیٹ کی قائمہ کمیٹی برائے کشمیر افیئرز ،گلگت بلتستان و سیفران کا اجلاس سنیٹر اسد قاسم کی زیر صدارت ہوا۔کمیٹی میں آزاد کشمیر کے معاملات پر بحث مباحثہ،چیف سیکرٹری آزاد کشمیر کی مسلسل غیر حاضری پر چیرمین کمیٹی برہم ،چیف سیکرٹری کی مسلسل غیر حاضری کے باعث کمیٹی میں ایکشن کمیٹی کے معاملے پر بحث نہ ہو سکی۔
چیف سیکرٹری نے سینیٹ کمیٹی کو مذاق بنایا ہوا ہے۔چیف سیکرٹری آزاد کشمیر کیوں نہیں آئے۔چیئرمین کمیٹی سینیٹر اسد قاسم نے چیف سیکرٹری آزاد کشمیر کی تیسری بار مسلسل عدم شرکت پر شدید برہمی کا اظہار کیا۔ ان کا کہنا تھا کہ ہم وزیراعظم اور صدر کو معاملے پر بتائیں گے کہ وہ نہیں آئے۔چیف سیکرٹری آزاد کشمیر مسلسل تیسری بار غیر حاضر ہوئے ہیں۔چیئرمین سینیٹ کمیٹی نے برہمی کا اظہار کرتے ہوئے کہا ہے کہ آزاد کشمیر میں ایکشن کمیٹی کا ایک سیریس معاملہ ہے۔چیف سیکرٹری آزاد کشمیر معاملے کو سیریس لیں اور کمیٹی کو لکھ کر اپنا مسئلہ بتائیں۔
