پاکستان اور کشمیر لازم وملزوم کی ریشمی دوڑی میں بند ھے دو قالب یک جان ہیں، دنیا بھر میں پاکستانی اور کشمیری 5 فروری کو یوم یکجہتی کشمیر اس تجدید عہد سے منائیں گے کہ تحریک آزادی کشمیر ان شا اللہ منطقی انجام تک پہنچائی جائے گی خصوصی نشست میں پاکستان مسلم لیگ نون اسلام آباد کے راہنما، مرکزی صدر نیشنل ایسوسی ایشن آف پرائیویٹ سکولز، چیئرمین انجمنِ تاجران مرکز جی سیون ستارہ مارکیٹ اور چیئر مین کیریئر سکول اینڈ کالج چوہدری محمد عبیداللہ کا کہنا تھاکہ بھارتی حکومت نے ظلم ، جبر، محاصرے اور مصائب اورتشدد سے جنت نظیر خطے کو ”قیدخانے”میں تبدیل کر دیا ہے۔ 10 لاکھ بھارتی فوج بھی کشمیریوں کے جذبہ آزادی کو سرد نہ کرسکی۔چوہدری محمد عبیداللہ نے امریکہ، برطانیہ اور چین سمیت عالمی برادری سے اپیل کی کہ وہ اقوام متحدہ کی منظور شدہ قراردادوں پر عمل کروا کر کشمیریوں کو ان کا حق خود ارادیت دلائیں۔ 10 مئی کو معرکہ حق میں پاکستان کو حاصل ہونے والی تاریخی فتح نے نہ صرف خطے بلکہ عالمی سطح پر مسئلہ کشمیر کو ایک مرتبہ پھر مرکزِ نگاہ بنا دیا ، یہ کامیابی محض عسکری برتری تک محدود نہیں رہی بلکہ اس نے جنوبی ایشیا میں طاقت کے توازن، سفارتی بیانیے اور عالمی رائے عامہ پر گہرے اثرات مرتب کئے۔مذید کہا کہ عالمی برادری پر یہ ذمہ داری عائد ہوتی ہے کہ وہ مسئلہ کشمیر کو محض علاقائی تنازعہ کے طور پر نہ دیکھے بلکہ اسے عالمی امن و سلامتی کے تناظر میں پرکھے۔ اقوامِ متحدہ کی قراردادیں آج بھی زندہ حقیقت ہیں اور ان پر عملدرآمد ہی کشمیری عوام کی خواہشات کی حقیقی ترجمانی کر سکتا ہے۔
