ترجمان محکمہ زراعت پنجاب کے مطابق وزیراعلیٰ پنجاب گرین ٹریکٹرز پروگرام فیز III کے تحت کامیاب قرار پانے والے کاشتکاروں کو مطلع کیا جاتا ہے کہ الاٹمنٹ لیٹر وصول کرنے اور اپنے حصے کی رقم جمع کروانے کی آخری تاریخ 06 مارچ 2026 مقرر کی گئی ہے۔ ترجمان محکمہ زراعت پنجاب نے مزید کہا کہ تمام کامیاب کاشتکار حضرات کو ہدایت کی جاتی ہے کہ وہ مقررہ تاریخ تک اپنے الاٹمنٹ لیٹر حاصل کریں اور اپنے واجب الادا حصے کی رقم بروقت جمع کروائیں۔ بصورتِ دیگر مقررہ مدت کے بعد رقم جمع نہ کروانے کی صورت میں ویٹنگ لسٹ میں شامل کاشتکاروں کو فوری طور پر موقع فراہم کر دیا جائے گا۔مزید معلومات اور رہنمائی کے لیے محکمہ زراعت (توسیع) پنجاب کے متعلقہ دفاتر سے رابطہ کیا جا سکتا ہے یا زرعی ہیلپ لائن0800-17000پر کال کی جا سکتی ہے.
