تل ابیب: اسرائیلی پارلیمنٹ میں فوج کے لیے نیا بجٹ منظور کرلیا گیا۔
غیر ملکی میڈیا رپورٹ کے مطابق اسرائیلی پارلیمنٹ نے فوج کے لیے نیا بجٹ منظور کرلیا جس میں سکیورٹی کے لیے 32 ارب شیکل کااضافہ کیا گیا ہے۔
اس کے لیے اسرائیلی ریزرو فوجیوں کیلئے 6 ارب شیکل اور غزہ کے قریب اسرائیلی علاقوں کی بحالی کے لیے بھی 5 ارب شیکل مختص کیے گئے ہیں۔
رپورٹ میں بتایا گیا ہےکہ اس سے قبل بھی ریزرو فوجیوں کو 20 ارب شیکل دیے جا چکے ہیں ۔
دوسری جانب اسرائیلی شہریوں کا کہنا ہے کہ بھاری ٹیکس دینے کے باوجود گھر میں بھی محفوظ نہیں ہیں۔
اس حوالے سے اسرائیلی وزیراعظم نیتن یاہو نے کہا کہ فوج اورسکیورٹی اداروں کو مکمل وسائل دیےجائیں گے، عوام کو ٹیکس سلیب میں تبدیلی کے ذریعے ریلیف دیا جائے گا۔
