کوئی پاگل ہی ہو گا جو اس کامیابی پر خوش نہ ہو، ہم حکومت کیساتھ ہیں، پاکستان زندہ باد، پاک فوج زندہ باد، محمود اچکزئی
قومی اسمبلی میں قائد حزب اختلاف محمود خان اچکزئی نے کہا ہے کہ ہم حکومت کے ساتھ ہیں، اس تاریخی کامیابی پر بھی جو خوش نہ ہو وہ پاگل ہی ہوگا۔
قومی اسمبلی میں خطاب کرتے ہوئے انہوں نے کہاکہ تمام اکابرین کو ایک جگہ بیٹھ کر مشاورت کرنی چاہیے۔
انہوں نے کہا کہ کوئی پاگل ہی ہو گا جو اس کامیابی پر خوش نہ ہو، ہمارے اختلافات بہت زیادہ ہیں لیکن ان حالات میں ہم پاکستان کے ساتھ ہیں، ہم خیر اور تقویٰ کے طور پر حکومت کی غیر مشروط حمایت کرتے ہیں، ہم اتنے جاہل نہیں، ہم تعاون کریں گے، ہم حکومت کے ساتھ ہیں، پاکستان زندہ باد،پاک فوج زندہ باد۔
انہوں نے کہا کہ اختلافات جتنے بھی ہوں، موجودہ حالات میں ہمیں حکومت کے ساتھ کھڑا ہونا چاہیے اور ہم حکومت کی غیر مشروط حمایت کرتے ہیں۔
انہوں نے کہاکہ اس وقت عالمی حالات خاص طور پر ٹرمپ کی انا مسئلہ ہے، وہ سمجھتے تھے کہ ایران سرینڈر کر جائے گا، لیکن ایسا نہیں ہوا۔
قائد حزب اختلاف نے پاکستان کی نعمتوں کی طرف بھی توجہ دلائی اور کہاکہ یہ موقع آسمان سے آیا ہے، اسے ضائع نہیں کرنا چاہیے۔
محمود خان اچکزئی کا مزید کہنا تھاکہ بانی پی ٹی آئی اس ملک کا رہنے والا ہے، ا س سے بات کریں، ہم جیل میں بانی پی ٹی آئی سے ملیں گے اورانہیں اپنی باتوں پر راضی کرلیں گے، آج تک جتنی بھی تحریکیں چلی ہیں بانی پی ٹی آئی کوسب سے زیادہ مقبولیت ملی ہے، بانی پی ٹی آئی کو جیل میں ڈالنا جرم ہے اور خواجہ آصف الفاظ کے چناؤ میں احتیاط کریں۔
