اداکار علی رضا نے کہا ہےکہ حنا آفریدی ان کے لیے ایک لیے فیملی ممبر ہیں اور جب بھی ان کے ساتھ رومانوی سین کیا تو ہنسی آجاتی تھی۔
حال ہی میں دونوں اداکاروں نے ایک انٹرویو میں شرکت کی جہاں انہوں نے اپنے ایکٹنگ کیرئیر سمیت مختلف موضوعات پر گفتگو کی۔
میزبان کی جانب سے ان کے نجی ٹی وی سے نشر ہونے والے ایک ڈرامے ‘مرزا کی ہیر’ کے رومانوی سین کے بارے میں گفتگو کی گئی۔
میزبان نے رومانی سین کے حوالے سے پوچھا جس پر علی رضا نے کہا کہ جب بھی ہم نے رومانوی سین کیا تو ہم بہت ہنستے تھے، کام کو کام کی طرح کیا جائے تو ہوجاتا ہے۔
انہوں نے مزید کہا اچھی بات یہ ہے کہ حنا آفریدی میرے لیے ایک فیملی ممبر ہے، میری بہت اچھی دوست ہے، اس وجہ سے ہمارا ایک کمفرٹ زون ہے، اس لیے ہم نے بہت سے چیزیں ایسی بھی کیں جس کی امید کسی کو نہ تھی۔
اسی حوالے سے حنا آفریدی نے کہا کچھ سین میں ہم ایک دوسرے سے بھی مشورہ کرتے تھے اور پھر ڈائریکٹر سے بات کرکے سین کرتے تھے۔
