پاکستان کے 79 ویں یوم آزادی کے موقع پر سرچ انجن گوگل بھی پاکستانیوں کی خوشیوں میں شامل ہوگیا ہے۔
سرچ انجن گوگل اکثر و بیشتر اہم دنوں اور اہم شخصیات کی سالگرہ وغیرہ کے موقع پر انہیں خراج تحسین پیش کرتے ہوئے اپنا ڈوڈل تبدیل کرتا ہے اور ایسا ہی پاکستان کے یوم آزادی پر بھی کیا گیا ہے۔
یوم آزادی کے موقع پر گوگل نے اپنے ڈوڈل میں سبز ہلالی پرچم کو لہراتے ہوئے دکھایا ہے جس کے پیچھے بادلوں کے پس منظر کو گوگل کے حروف کے ساتھ استعمال کیا گیا ہے۔
جب کوئی بھی اس سرچ انجن کو استعمال کرنے کیلئے کھولے گا تو اسے یہ ڈوڈل نظر آئے گا اور اسے کلک کرنے پر یہ گوگل کے مین پیج پر بھی دیکھا جاسکتا ہے۔
خیال رہے گوگل اس سے قبل بھی یوم آزادی پاکستان پر اپنا ڈوڈل تبدیل کرتا رہا ہے اور پاکستان کے تاریخی مقامات کو بھی اپنے ڈوڈل کا حصہ بناتا رہا ہے۔
2025 کا ڈوڈل
2024 کا ڈوڈل
