واشنگٹن (شازیہ نیئر )
واشنگٹن میں قائم پاکستانی سفارتخانے میں یومِ دفاعِ پاکستان کے موقع ایک پروقار اور پُرجوش تقریب کا انعقاد کیا گیاجس میں پاکستانی امریکی کمیونٹی سفارتی شخصیات، دانشوروں، میڈیا نمائندوں اور مختلف شعبہ ہائے زندگی سے تعلق رکھنے والے افراد نے شرکت کی تقریب کا آغاذ تلاوت قران پاک سے اور قومی ترانے سے شروع کیا گیا تقریب قومی یکجہتی، حب الوطنی اور پاکستان کے دفاع کے لیے دی جانے والی لازوال قربانیوں کو خراجِ تحسین پیش کرنے کے جذبات سے متعلق ایک ڈاکیومینٹری فلم دیکھائی گئی دفاع پاکستان ہر سال 6 ستمبر کو قومی دفاع اور شہداء کی قربانیوں کی یاد میں منایا جاتاہے اس موقع پر امریکہ میں پاکستان کے سفیر رضوان سعید شیخ نے اپنے خصوصی خطاب میں کہا کہ یومِ دفاع صرف ایک تاریخی دن نہیں بلکہ پاکستانی قوم کے عزم، استقلال اور قربانی کے جذبے کی علامت ہے۔ انہوں نے کہا کہ پاکستان کے بہادر سپوتوں نے وطن کے دفاع کے لیے جو قربانیاں پیش کیں، وہ قوم کے لیے ہمیشہ مشعلِ راہ رہیں گی۔ سفیر پاکستان نے کہا کہ بیرونِ ملک مقیم پاکستانی اپنے وطن کے بہترین سفیر ہیں اور پاکستان کے مثبت تشخص کو دنیا بھر میں اجاگر کرنے میں اہم کردار ادا کر رہے ہیں انہوں نے مزید کہا کہ پاکستان ایک پُرامن، ذمہ دار اور ترقی پسند ریاست کے طور پر عالمی برادری میں اپنا مؤثر کردار ادا کر رہا ہے اور قومی اتحاد ہی ملک کی ترقی اور استحکام کی ضمانت ہے۔ سفیر پاکستان نے شہداء اور غازیوں کو خراجِ عقیدت پیش کرتے ہوئے کہا کہ قوم اپنے محافظوں کی قربانیوں کو کبھی فراموش نہیں کر سکتی انھوں نے کہا کہ پاکستانی افواج اور عوام وطن عزیز کے دفاع کے لئے ہر قربانی دینے کے لئے ہر وقت تیار ہیں انھوں نے مئی 2025 کو دشمن کو ناکوں چنے چبوانے اور اندرون ملک و بیرون ملک دہشت گردوں کے خلاف جاری جنگ کا بھی ذکر کیا اور ورلڈ وار ٹو کے بعد چونڈہ کے مقام پر ٹینکوں کی جنگ میں دشمن کو تباہ کرنے کابھی ذکر کیا رضوان شیخ کا کہنا تھاکہ اب میزائلوں کی جنک کے بعد آئندہ کی جنگیں معاشی جنگیں ہوں گی انھوں نے کہا کہ پاک امریکہ تعلقات انتہائی اچھے ہیں اور بہت سارے شعبوں میں ہمیں ایک دوسرے کا تعاون حاصل ہے یوم دفاع کی اس پروقار تقریب میں دوست ممالک کے سفارتکاروں اور ملٹری اتاشیوں نے بڑی تعداد میں شرکت کی
