ڈلاس (شازیہ نیئر )
امریکہ میں مڈ ٹرم انتخابات میں صدر ڈونلڈ ٹرمپ ریپبلکن ووٹرز کو سرگرم کرنے میں متحرک ہو گئے۔ پہلا دو روزہ مڈ ٹرم کنونشن ڈلاس میں ہوا جہاں ریپبلکن ووٹرز کی بڑی تعداد نے شرکت کی۔ اس موقع پر مسلمز آف امریکہ کے بانی اور صدر ڈونلڈ ٹرمپ کے قریبی ساتھی ڈاکٹر ساجد تارڑ اور سکھز آف امریکہ کے بانی جسدیپ سنگھ جسی نے بھرپور شرکت کی۔ ڈاکٹر ساجد تارڑ اور جسدیپ سنگھ جسی کی جانب سے گزشتہ انتخابات میں بھی امریکہ بھر میں بھر پور مہم چلائی گئی تھی اور اب مڈ ٹرم انتخابات میں بھی مسلمز اور سکھ کمیونٹی کو متحرک کرنے میں دونوں رہنماؤں کا کلیدی کردار ہے۔
تقریب میں صدر ڈونلڈ ٹرمپ نے ڈیموکریٹس کو شدید تنقید کا نشانہ بنایا اور گریٹر امریکہ کے لئے ریپبلکن پارٹی کی حمایت کے لئے مڈ ٹرم انتخابات میں بڑھ چڑھ کر حصہ لینے پر زور دیا ۔ اس موقع پر پاکستانی اور سکھ کمیونٹی کی ایک بڑی تعداد بھی شریک ہوئی۔
