ہم نےاپنے دورمیں آئی ایم ایف کوخدا حافظ کہا گزشتہ حکومت واپس لائی: نوازشریف

0

پاکستان مسلم لیگ (ن) کے صدر اور سابق وزیراعظم نواز شریف نے کہا ہے کہ آزاد کشمیرکا ماضی بڑا دردناک ہے، یہاں ایسی حکومتیں آئیں جنہوں نے عوام سے بےحسی والا سلوک کیا۔

نواز شریف کا کہنا تھا کہ آزاد کشمیرمیں ماضی کی حکومتوں نے ناقص کارکردگی دکھائی، ماضی کی تلخ یادوں کو بھلادینا چاہتے ہیں۔

انہوں نے کہا کہ ازراہِ مذاق کہا تھا کہ ہم کامیاب ہوں اور میں آزاد کشمیرکا وزیراعظم بن جاؤں، آج افتخارگیلانی وزیراعظم ہیں تومیں خود کو وزیراعظم سمجھ رہا ہوں، جوجذبہ مجھ میں ہے وہ افتخارگیلانی میں دیکھ رہا ہوں۔

نواز شریف نے مزید کہا کہ ہماری توجہ ہمیشہ ترقی پرہوتی تھی، آزاد کشمیر میں کئی میگا پراجیکٹس لانا چاہتے تھے، ہم نے 18 سے 20 گھنٹوں کی لوڈشیڈنگ ختم کی، بجلی کےکارخانے لگائے اور ریکارڈ مدت میں لوڈشیڈنگ ختم کی۔

ان کا کہنا تھا کہ ہم نےاپنے دورمیں آئی ایم ایف کوخدا حافظ کہہ دیا تھا، گزشتہ حکومت آئی ایم ایف کوواپس لائی، ہمارے دور میں ڈالر 104 روپےتھا، لواری ٹنل کا منصوبہ میرے دور میں مکمل ہوا، انعام میں میری حکومت ختم کی گئی۔

نواز شریف نے سوال کیا کہ جس کی حکومت خیبرپختونخوا میں 15 سال رہی ہے اس نے کیا کیا ہے؟

نواز شریف نے کہا کہ شہباز شریف پوری ہمت سے کام کررہےہیں اورمعیشت کوٹھیک کرنے کی کوشش کررہے ہیں۔

انہوں نے کہا کہ آزاد کشمیرمیں موٹروے لانا چاہتے ہیں، وزیراعظم شہباز شریف موٹروے منصوبوں پر ترجیحی بنیادوں پرکام شروع کریں۔

مسلم لیگ (ن) کے صدر نے کا کہ شہبازشریف نے پنجاب میں اچھے کام کیے تھےاسی کو مریم نواز آگے بڑھا رہی ہیں، اچھا کام کرنے پر شہبازشریف کے ساتھ ساتھ مریم نوازکوبھی شاباش دینا چاہتا ہوں۔

انہوں نے مزید کہا کہ مسلم لیگ (ن) کی کارکردگی دیگرپارٹیوں کی کارکردگی سے بہتر ہے، کس پارٹی نے اپنے دورمیں کیا کیا اس کا موازنہ ہونا چاہیے۔

Leave A Reply

Your email address will not be published.