پنجاب کی جھیلوں کو سیاحت کے مراکز بنایا جا رہا ہے,مریم نواز

لاہور: وزیراعلیٰ پنجاب مریم نواز شریف نے کہا ہے کہ جھیلیں ہماری ثقافت، سیاحت اور ماحول کی شناخت ہیں اور پنجاب کی جھیلوں کو سیاحت کے مراکز بنایا جا رہا ہے۔

جھیلوں کے عالمی دن پر اپنے پیغام میں مریم نواز شریف کا کہنا تھا کہ جھیلیں قدرت کا حسن اور حیاتیاتی زندگی کا استعارہ ہیں، یہ پانی، حیاتیاتی تنوع اور ماحول کی ضامن ہیں۔ انہوں نے کہا کہ خوشاب، کلرکہار اور دیگر علاقوں کی قدرتی جھیلوں کو محفوظ اور اپ گریڈ کیا جا رہا ہے۔

وزیراعلیٰ پنجاب نے مزید کہا کہ جھیلوں کا قدرتی ماحول محفوظ رکھنا اولین ترجیح ہے، پنجاب سیاحتی ترقی اور قدرتی توازن کے ساتھ آگے بڑھ رہا ہے اور بہتر مستقبل کے لیے جھیلوں کو محفوظ رکھنا ہم سب کی ذمہ داری ہے۔