قومی کمیشن برائے وقارِ نسواں کا عالمی صنفی رپورٹ پر سخت ردعمل

قومی کمیشن برائے وقار نسواں (این سی ایس ڈبلیو) نے ورلڈ اکنامک فورم (ڈبلیو ای ایف) کی گلوبل جینڈر گیپ رپورٹ 2025 میں پاکستان کی درجہ بندی پر سخت تشویش کا اظہار کیا۔ این سی ایس ڈبلیو کی چیئرپرسن محترمہ ام لیلیٰ اظہر نے ڈیٹا کی نمائندگی اور اس کے پیش اور ظاہر کیے جانے کے مسائل اور انداز کا حوالہ دیتے ہوئے رپورٹنگ کے طریقہ کار پر سوالات اٹھائے۔ انہوں نے کہا کہ اعداد و شمار موجود ہیں لیکن پیش نہیں کیے جاتے، اور رپورٹ کے نتائج صنفی مساوات پر ملک کی پیش رفت کی درست عکاسی نہیں کرتے۔
کمیشن نے رپورٹ کے طریقہ کار کا سنجیدگی سے نوٹس لیا ہے، جو کہ محدود نمونوں کے سائز کے تصوراتی سروے پر انحصار کرتا ہے، جو زیادہ تر خود خواتین کے بجائے مردوں کے ذریعے بھرا گیا ہے۔ اس نقطہ نظر نے ایک متزلزل نقطہ نظر کو جنم دیا ہے اور صنفی مساوات پر پاکستان کی حقیقی پیش رفت کو نقصان پہنچایا ہے۔ رپورٹ کے تشویشناک ہونے کا اندازہ "وزارتی عہدوں پر خواتین” کے اعشاریہ میں واضح ہوتی ہے، جہاں پاکستان کو وفاقی سطح پر ایک خاتون وزیر، ایک خاتون وزیر اعلیٰ، اور پنجاب، سندھ اور بلوچستان کی صوبائی کابینہ میں خواتین وزراء ہونے کے باوجود 0 سکور دیا گیا ہے۔ قومی کمیشن برائے وقار نسواں نے پاکستان میں خواتین کی حیثیت کی درست نمائندگی کو یقینی بناتے ہوئے درست ڈیٹا اکٹھا کرنے اور اس کی تشہیر کے لیے متعلقہ حکام کے ساتھ تعاون کرنے کا فیصلہ کیا ہے۔ کمیشن نیشنل جینڈر ڈیٹا پورٹل پر اپ ڈیٹ شدہ ڈیٹا کے لیے سرگرمیوں کو بڑھانے جا رہا ہے۔ اس امر سے ملک میں صنفی مساوات کی حقیقی عکاسی ہو سکے گی۔ مزید برآں، این سی ایس ڈبلیو مشال پاکستان کے ساتھ ایک لیٹر آف انٹینٹ (LOI) کا اہتمام کرے گا، جو ایک جامع نیشنل جینڈر گیپ رپورٹ 2026 کو تیار کرنے میں سہولت فراہم کرے گا۔ اس رپورٹ میں ایک معیاری فارمیٹ اور بنیادی ڈیٹا سیٹ کو پہلے سے فعال نیشنل جینڈر ڈیٹا پورٹل سے باقاعدہ خصوصیت کے طور پر پیش کیا جائے گا۔ مشال پاکستان ہی ورلڈ اکنامک فورم کی جانب سے پاکستان کا ڈیٹا اکٹھا کرنے کے لیے مختص تنظیم ہے۔ این سی ایس ڈبلیو نے مطالبہ کیا ہے کہ متعلقہ وزارتیں اور حکام ڈیٹا اکٹھا کرنے اور اس کے پھیلاو کے ساتھ مسائل کو حل کرنے کے لیے فوری کارروائی کریں۔ چیئرپرسن این سی ایس ڈبلیو ام لیلی اظہر نے سی ای او مشال جناب عامر جہانگیر کے ساتھ اپنی ملاقات میں پالیسی فیصلوں سے آگاہ کرنے اور صنفی مساوات پر پیش رفت کو ٹریک کرنے کے لیے درست اور جامع ڈیٹا کی ضرورت پر زور دیا۔ این سی ایس ڈبلیو پاکستان میں صنفی مساوات کو فروغ دینے اور خواتین کو بااختیار بنانے کے لیے پرعزم ہے اور اس بات کو یقینی بنانے کے لیے انتھک محنت کرے گا کہ ملک کی ترقی کی درست نمائندگی ہو۔