راولپنڈی : پیپلز پارٹی ویمن ونگ سنٹرل پنجاب میں تنظیمی سطح پر ایک اہم پیش رفت سامنے آئی ہے، جس کے تحت فرح جاوید کو ڈپٹی انفارمیشن سیکرٹری سنٹرل پنجاب مقرر کر دیا گیا ہے۔ اس تقرری کا باضابطہ نوٹیفکیشن صدر پیپلز پارٹی ویمن ونگ سنٹرل پنجاب سمیعہ خالد گھرکی کی جانب سے جاری کیا گیا۔
نوٹیفکیشن کے مطابق فرح جاوید کی تقرری فوری طور پر نافذ العمل ہوگی، اور وہ اپنی ذمہ داریاں فوری طور پر سنبھالیں گی۔ پارٹی قیادت نے اس تقرری کو ویمن ونگ کی تنظیمی مضبوطی، مؤثر ابلاغ اور سیاسی سرگرمیوں کو مزید فعال بنانے کی جانب ایک اہم قدم قرار دیا ہے۔
صدر ویمن ونگ سنٹرل پنجاب سمیعہ خالد گھرکی نے اس موقع پر امید ظاہر کی کہ فرح جاوید اپنی صلاحیتوں، تجربے اور متحرک کردار کے ذریعے پارٹی کے مؤقف کو مؤثر انداز میں عوام تک پہنچانے اور خواتین کی سیاسی شمولیت کے فروغ میں اہم کردار ادا کریں گی۔ نوٹیفکیشن پر بطور صدر ویمن ونگ سنٹرل پنجاب سمیعہ خالد گھرکی کے دستخط ثبت ہیں۔
