مرکزی صدر نیشنل ایسوسی ایشن آف پرائیویٹ سکولز پاکستان، چیئرمین کیرئیر سکولز سسٹم چوہدری محمد عبیداللہ چوہدری نے کہا ہے کہ ٹیپو سلطان (یکم دسمبر 1751ـ 4 مئی1799) کی زندگی نئی نسل کے لیے مشعل راہ ہے شیر میسور نے مسلمان قوم کے تحفظ اور اسلامی اقدار کی حفاظت میں بہادری، دلیری اور شجاعت کو نئے معنی دئیے۔ 227 ویں برسی کے حوالے سے منعقدہ نشست میں ان کا کہنا تھا کہ مسلمان سماجی خدمت، ایثار اور انسان دوستی کے ساتھ خدا پرستی کا نمونہ ہوتا ہے جو رب کائنات کے سوا کسی سے ڈرتا ہے نہ خوف کے پتوں کو خود پر سوار کرتا ہے ۔ عبیداللہ چوہدری نے بتایا کہ سلطان حیدر علی کے فرزند والئی میسور کافرمان ”شیر کی ایک دن کی زندگی گیڈر کی سو سالہ حیات سے بہتر ہے ” آج بھی مسلم لیڈر شپ کو خود مختاری بالادستی اور اتحاد ویکجہتی کی روشنی دے رہا ہے ۔ انہوں نے نوجوانوں سے اپیل کی کہ وہ ٹیپو سلطان کو ہیرو بنائیں تاکہ پاکستان مضبوط، مستحکم اور خوشحال بن کر عالم اسلام کی قیادت کرسکے۔ٹیپو سلطان نے نپولین بوناپارٹ کی طرح اذیت ناک موت کے مقابلے میں میدان جنگ لڑتے ہوئے شہید ہونا مناسب سمجھا۔فرزند حیدر علی شیر تھا، اسے شیر پسند تھا وہ شیر کی طرح جیتا رہا لڑتا رہا، شیر کی طرح دنیا سے رخصت ہوا۔ اس کا تخت بھی شیر کی کھال سے بنا ہوا تھا اس کے فوجیوں کا لباس بھی شیر کی کھال سے مشابہ تھا۔ دلیر زیرک اور ترقی پسند مسلمان مجاہد ٹیپو سلطان کا واحد مقصد مسلمانوں میں اتحاد قائم کرنا تھا !!
