مرکزی صدر نیشنل ایسوسی ایشن آف پرائیویٹ سکولز اور چیئر مین کیریئر سکول اینڈ کالج چوہدری محمد عبیداللہ نے کہا ہے کہ ماہ صیام اہل اسلام کو رحمتوں’ برکتوں اور نعمتوں سے مالا مال ہونے کا موقع دینے کے لیے جلوہ گر ہونے کو ہے۔ اہل عشق نیکیوں اور سعادتوں کی مہکاریں عا م کرنے میں مگن ہو جائیں۔استقبال رمضان کی مناسبت سے گفتگو میں ان کا کہنا تھا رمضان کریم کے تین عشرے رحمت’ مغفرت اور جہنم سے نجات کی خوش خبریوں سے مرقع وبھرپور ہیں۔ عبادت وریاضت کے ساتھ نیکیوں’ بھلائی اور خیر کے چراغ روشن رہیں تو دنیا اور آخرت دونوں جگہ عزت وتکریم کے تاج مل سکتے ہیں۔
چوہدری محمد عبیداللہ نے امام زین العابدین کے اس فرمان کا بھی حوالہ دیا جس میں فرزند امام حسین کا کہنا تھا ”اگر لوگوں کو خدمت خلق سے ملنے والے اجر(ثواب) کی حقیقت معلوم ہو جائے تو لوگ اس ثمر ( اجر ) کو پانے کے لیے آپس میں مسابقت (مقابلہ) کریں۔ صدر نیشنل ایسوسی ایشن آف پرائیویٹ سکولزنے مزید کہا کہ والدین’ اساتذہ کرام اور اہل دانش بچوں کا ذہن عبادت اور وظائف کے ساتھ خدمت خلق کی طرف بھی موڑیں کیونکہ عادات اور اوصاف کا تعلق بچپن کی تعمیری سرگرمیوں سے جڑا ہوا ہے۔
