وفاقی پارلیمانی سیکریٹری برائے اطلاعات بیرسٹر دانیال چوہدری نے تحریک انصاف کے سابق چیئرمین کے ساتھ کسی قسم کی ڈیل کی مکمل نفی کرتے ہوئے کہا ہے کہ سابق چیئرمین پہلے دن سے ڈیل اور ڈھیل کے خواہشمند ہیں وہ ہمیشہ بیساکھیاں ڈھونڈتے ہیں ہم بھی بات چیت کے لئے تیار ہیں لیکن پارلیمانی راستے سے اس حوالے سے کوئی بلیک میلنگ قبول نہیں کریں گے علاج کے لئے بیرون ملک بھجوانے کی صرف ایک وجہ ہو سکتی ہے کہ خدانخواستہ کوئی ایسی جان لیوا بیماری لاحق ہو جس کا علاج یہاں ممکن نہ ہو زندگی بچانےکے لئے بیرون ملک بھجوایا جاسکتا ہے البتہ حکومت میڈیکل بورڈ کی سفارشات پر مکمل عملدرآمد کرے گی ان خیالات کا اظہار انہوں نے گزشتہ روز ڈسٹرکٹ ہیلتھ اتھارٹی کے زیر اہتمام ڈینگی کے حوالے سے منعقدہ تقریب سے خطاب اور میڈیا سے گفتگو میں کیا دانیال چوہدری نے میڈیا سے گفتگو میں دانیال چوہدری نے کہا کہ ڈیل کے حوالے کوئی بات چیت ہوئی تو پارلیمانی قوتوں سے ہوگی انہیں بیرون ملک بھجوانے پر بہت سوال ہوئے تاہم ایک ہی صورت ہے قانونی شہادت جان لیوا کوئی ایسی بیماری لاحق ہو زندگی بچانےکے لئے بیرون ملک بھجوایا جاسکتا ہے ورنہ نہیں انہوں نے کہا کہ کسی کو اجازت نہیں ملک میں امن و امان کی صورتحال خراب کرے تحریک انصاف نے پہلے بھی ایسا کیا اگر وہ پاکستان میں استحکام اور امن و امان کی بات کرتے ہیں توپھر ان سے بات ہو سکتی ہے ایک سوال کے جواب میں انہوں نے کہا کہ سابق چیئرمین کے علاج کے حوالے سے کلیئر ہے کہ جو علاج ضروری ہے وہ میسر ہے آئندہ بھی ہو گا کیونکہ حکومت علاج کے معاملہ میں انتہائی سنجیدہ ہے انہوں کہا کہ سابق چیئرمین سے متعلق پروپیگنڈا جھوٹ نکلا ان کو قانون کے مطابق جیل میں تمام سہولیات میسر ہیں اور اس حوالے سے میڈیکل بورڈ کی سفارشات پر عمل کیا جائے گا سوشل میڈیا پر سابق چیئرمین کے حواریوں کا بے ہودہ پروپیگنڈا جاری ہے ڈیل اور ڈھیل کے خواہشمند وہ پہلے دن سے ہیں وہ ہمیشہ بیساکھیاں ڈھونڈتے ہیں ہم بھی بات چیت کے لئے تیار ہیں اور وہ پارلیمانی راستہ ہی ہے اس حوالے سے کوئی بلیک میلنگ قبول نہیں انہوں نے کہا کہ دھرنے اور احتجاج کے علاوہ ان کی کوئی ترجیحات نہیں یہ ملک اور سیاست کے لئے کچھ نہیں کرسکتے کوئی غیر ضروری ریلیف نہیں ملے گا قبل ازیں تقریب سے خطاب میں انہوں نے کہا کہ راولپنڈی میں کئی سالوں سے ہیلتھ کے ایشو نظر آتے رہے لیکن ڈپٹی کمشنر حسن وقار اور ڈاکٹر احسان غنی ٹیم نے ان مسائل پر قابو پایا انہوں نے کہا کہ صوبائی وزیر خواجہ عمران نذیر کی قیادت میں صحت کے مسائل پر قابو پایا گیا ہے جبکہ ڈینگی اور پولیو کے خلاف مہم میں اجتماعی کوششوں سے کامیابی ہوئی ہے صحت کے شعبے میں گزشتہ 15 سال کے مسائل حل کئے گئے راولپنڈی میں 500 سے زیادہ بچوں کے ٹیسٹ کئے گئے اسی طرح ڈینگی اور پولیو کے خلاف مہم میں ایس او پیز خلاف ورزی پر کاروائیاں بھی کی گئیں وزیر اعلیٰ پنجاب مریم نواز کے ویژن کے مطابق ہسپتال بہتر ڈیلیور کررہے ہیں ڈائیلائسسز ہورہے ہیں جو پہلے نہ تھے انہوں نے کہا کہ ہم تنقید جلاؤ گھیراؤ نفرت نہیں ڈلیور کرنا ہے جو ڈیلیور کرسکیں گے وہ ہی ہونگے ڈیلی ویجز ورکرز کے حوالے سے انہوں نے کہا کہ ان کو نہ بھلایا جائے کنٹریکٹ والوں کو مستقل کیا جائے کیونکہ ہماری مائیں بہنیں کام کررہی ہیں انکی آواز ہمیں بننا چاہیے وزیر اعظم کی ٹیم نے کم وسائل کے باوجود اکٹھے ہو کر بہتر ڈیلیور کیا ہے اور صحت کے شعبے کو بہتر بنایا گیا یے انہوں نے کہا کہ نالہ لئی سے بھی بیماریوں پھیل رہی ہیں وزیر اعلیٰ سے گزارش ہے نالہ لئی کے مسئلے کو حل کیا جائے آئندہ سال وزیر اعلیٰ کا ٹارگٹ نالہ لئی کی صفائی ہوگی اور نالہ لئی کے سیوریج کے مسئلے کو حل کیا جائے گا۔
