روزانہ کروڑوں افراد فضائی سفر کرتے ہیں، جس کے دوران انہیں ائیر پورٹ پر وقت گزارنے کا تجربہ بھی ہوتا ہے۔
کچھ ہوائی اڈے ان کو پسند نہیں آتے، کچھ اوسط درجے کے لگتے ہیں اور کچھ ان کو دلوں میں جگہ بنالیتے ہیں۔
مگر دنیا کا سب سے خوبصورت ائیرپورٹ کونسا ہے جس کی خوبصورتی دیکھنے والوں کو مسحور کر دیتی ہے؟
Prix Versailles کے سالانہ انٹرنیشنل آرکیٹیکچر ایوارڈز میں دنیا کے خوبصورت ترین ائیرپورٹس کے ناموں کا اعلان کیا گیا، جس میں ایک ایشیائی ملک کا ائیر پورٹ نمبرون رہا۔
دنیا بھر کے ائیرپورٹس کا جائزہ لینے کے بعد چین کے شہر گوانگزو کے گوانگزو بائیون انٹرنیشنل ائیرپورٹ ٹرمینل 3 کو دنیا کا خوبصورت ترین فضائی اڈہ قرار دیا گیا۔
ان ایوارڈز میں مسافروں کے سفر کے تجربے اور دیگر پہلوؤں کو مدنظر رکھ کر درجہ بندی کی گئی تھی۔
چین کے اس ائیرپورٹ کا ٹرمینل 3 تنوع، باغات اور دیگر پہلوؤں کے باعث جانا جاتا ہے۔
اس میں کسی بھی چینی ائیرپورٹ کے مقابلے میں سب سے بہترین پبلک آبزوریشن ڈیک موجود ہے۔
اس ٹرمینل کی تعمیر میں Lingnan ثقافت کو خراج تحسین پیش کیا گیا اور اس مقصد کے لیے کھلے احاطے اور لکڑی کے کام پر زیادہ توجہ مرکوز کی گئی۔
دوسرے نمبر پر جرمنی کے شہر فرینکفرٹ میں واقع فرینکفرٹ ائیرپورٹ ٹرمینل 3 کو خوبصورت ترین قرار دیا گیا ہے۔
بھارتی شہر گوہاٹی میں واقعی لوک پریا گوپی ناتھ باردولوئی انٹرنیشنل ائیرپورٹ ٹرمینل 2 تیسرے نمبر پر رہا۔
بھات کے Navi Mumbai انٹرنیشل ائیرپورٹ کے حصے میں چوتھا جبکہ کمبوڈیا کے Techo انٹرنیشنل ائیرپورٹ کے حصے میں 5 واں نمبر آیا۔
