آئی ایس پی آر سمر انٹرن شپ 2025، نوجوان نسل کو باصلاحیت بنانے کے لیے مؤثر اقدام

راولپنڈی: آئی ایس پی آر سمر انٹرن شپ 2025 کے موقع پر لیفٹیننٹ جنرل (ر) محمد سعید نے ملک بھر کی جامعات سے آئے طلباء سے خطاب کرتے ہوئے کہا کہ پاکستان نے اپنے عملی اقدامات سے ثابت کیا ہے کہ وہ خطے میں امن و استحکام کا ضامن ملک ہے۔

انہوں نے کہا کہ پاکستان منحرف نظریات کے خلاف مضبوط دیوار ہے اور عالمی امن کی جدوجہد میں پیش پیش ہے، جبکہ بھارت خطے میں عدم استحکام کا باعث اور عالمی امن کے لیے خطرہ بن چکا ہے۔

لیفٹیننٹ جنرل (ر) محمد سعید کا کہنا تھا کہ پاکستان کی اصل طاقت نوجوانوں میں ہے، جو اتحاد، ایمان اور نظم و ضبط کے جذبے سے ملک کی ترقی اور خوشحالی میں کلیدی کردار ادا کر سکتے ہیں۔