اسلام آباد میں غیر ملکی مہمان کی آمد: شہریوں کے لیے ٹریفک ایڈوائزری جاری

اسلام آباد: غیر ملکی مہمان کی آمد و رفت کے باعث اسلام آباد ٹریفک پولیس کی جانب سے شہریوں کے لئے ٹریفک ایڈوائزری جاری کردی گئی ۔ مختلف اوقات میں کورال، فیض اباد ایکسپریس ہائی وے، مری روڈ کلب روڈ ، سرینہ اور زیرو پوائنٹ، سرینہ ہوٹل سری نگر ہائی وے پر غیر معمولی سیکورٹی انتظامات کیے گئے ہیں۔

اسلام آبادٹریفک پولیس کے مطابق 05:00 بجے سے 07:00 بجے شام روٹ کے باعث ایکسپریس ہائی وے اور سری نگر ہائی وے پر ٹریفک کی روانی میں کچھ دیر کے تعطل آئے گا ٹریفک سست روی کا شکار ہو گی۔شہری ایکسپریس ہائی وے اور سری نگر ہائی وے سے منسلک سروس روڈ کا استعمال کریں۔

ٹریفک ایڈوائزری کے مطابق بلیو ایریا، سیکٹر F-6 اور F-7 کی جانب سفر کے لیئے H-8 انڈر پاس کا استعمال کیا جائے،ریڈ زون اور سرینہ ہوٹل آنے جانے والی ٹریفک مارگلہ روڈ، جناح ایونیو، ایوب چوک اور نادرا چوک کا استعمال کرے۔ بری امام جانے والے شہری نادرا چوک کا استعمال کرے۔ سیکٹر آئی اور ایچ کے لئے راولپنڈی پشاور روڈ، IJP روڈ سے سروس روڈ کا استعمال کرے۔

ٹریفک ایڈوائزری میں کہاگیاہے کہ مری روڈ سے سرینہ اور فیض آباد براستہ راول ڈیم دوران آمد و رفت بند رہے گی شہریوں کی رہنمائی کے لیئے اسلام آباد ٹریفک پولیس مختلف مقامات پر موجود رہے گی۔ کسی بھی سفری دشواری سے بچنے کےلئے شہری 20 منٹ کا دورانیہ رکھ کر گھر سے نکلیں۔

چیف ٹریفک آفیسر کیپٹن (ر)سید ذیشان حیدر کاکہناہے کہ سفر کے دوران کسی بھی پریشانی اور رہنمائی کے لیئے ہیلپ لائن 1915 پر رابطہ کریں،ٹریفک پولیس کا سوشل میڈیا پلیٹ فارم شہریوں کو بروقت ٹریفک روٹس سے متعلق آگاہی کے لئے موجود ہے۔