نیشنل ایسوسی ایشن آف پرائیویٹاسکولز (NAPS) پاکستان کے نمائندہ وفد نے چوہدری عبیداللہ کی سربراہی میں چیئرمین پیرا ڈاکٹر غلام علی ملا سے میٹنگ کی۔ ملاقات میں نجی تعلیمی اداروں کی فلاح و بہبود، درپیش مسائل اور ان کے موثر حل کے حوالے سے تفصیلی گفتگو کی گئی۔ وفد نے تعلیمی اداروں کو درپیش انتظامی ، پالیسی مسائل پر روشنی ڈالی اور مثبت ویو فارورڈ کیلئے قابلِ عمل تجاویز پیش کیں۔ اس امر پر زور دیا گیا کہ نجی تعلیمی ادارے معیاری تعلیم کے فروغ میں اہم کردار ادا کر رہے ہیں۔ ان کے مسائل کے حل کے لیے باہمی مشاورت اور تعاون ناگزیر ہے۔نمائندہ وفد نے تعلیمی اداروں کو ہونے والے جرمانوں کے معاملات، پینڈنگ رینیول، نئی رجسٹریشن اور رجسٹریشن کے التوا جیسے مسائل کو بھی اجاگر کیا اور مطالبہ کیا کہ ان امور کو ترجیحی بنیادوں پر جلد از جلد حل کیا جائے۔ یہ تجویز بھی پیش کی گئی کہ پرائیویٹ سکولز کی رجسٹریشن کی مدت کو بڑھا کر پانچ سال کیا جائے تاکہ اداروں کو انتظامی سہولت میسر آ سکے۔نمائندہ وفد میںچوہدری عبیداللہ سینٹرل پریزیڈنٹ،ملک محمد عمران کو چیئرمین، نیشنل ایسوسی ایشن آف پرائیویٹ اسکولز پاکستان،چوہدری نصیب وڑائچ سینئر وائس پریزیڈنٹ، نیپس اور جواد علی ڈپٹی جنرل سیکریٹری شامل تھے۔ پِیرا کی جانب سے ممبر رجسٹریشن وقاص محمود کیانی، سیکریٹری جاوید اقبال اور دیگر احباب بھی شریک تھے۔ چیئرمین پیرا غلام علی ملا نے وفد کی تجاویز کو غور سے سنا اور نجی تعلیمی اداروں کے مسائل کے حل کے لیے ہر ممکن تعاون کی یقین دہانی کروائی۔
